İşğal etilgen Qırımda fevqulâde yanğın havfı vaziyeti oraq aynıñ 5-8-ge qadar saqlanacaq. Yarımadanıñ ğarbiy, cenübiy ve şarqiy vilâyetlerinde sıñırlavlar kirsetildi.
Bu aqta Qırımnıñ işğal Fevqulâde vaziyetler nazirligi bildirdi.
"Ava arareti +28...+33°, dağlarda +21...+26°", — denile beyanatta.
Yanğın havfı rejimi oraq aynıñ 2 ve 3 de bar edi.
Bundan ğayrı, RİA "Novosti Krım" Qırımnıñ şarqiy qısımında toz boranları peyda olğanı aqqında haber etti.
"Yerli sakinlerniñ aytqanlarına köre, bu tarlalardan kelgen toz, evelde yol boyu tereklerni tutıp tura edi, amma bir vaqıtları olarnı keskenler", — denile beyanatta.
Hatırlatamız ki, yarımadanıñ işğalci akimiyeti, orman yerlerini ziyaret etmek yasağını oraq aynıñ 15 qadar uzattı. Yasaq, işğalci Fevqulâde vaziyetler nazirligi yazğanı kibi, yanğınlar havfınen bağlıdır. Qırımnıñ ormanlarından yazda kezmege ruhset etilgen tek belli bir sayıda yerler bar.
Aynı vaqıtta, Milliy tirenüv merkeziniñ (MTM) ekspertleriniñ aytqanlarına köre, anda yerleşken arbiy obyektlerni qorçalamaq içün ormanlarğa kiriş qapalı.
Читати ще
Telegram, WhatsApp, Facebook ve YouTube-ta Suspilne Qırım haberlerine abune oluñız
