Rusiye müstemlekelerinde tutulğan üç Qırım vatandaş jurnalistiniñ sağlıq vaziyeti fenalaşa. Olar — acele tedaviylevge muhtac olğan, amma kerekli tibbiy yardım alamağan Server Mustafayev, Osman Arifmemetov ve Vilen Temeryanov.
Olarnıñ tuvğanları ve yaqınları ZMINA uquq qorçalayıcı neşirine bunı bildirdiler.
Uquq qorçalayıcılarnıñ aytqanlarına köre, ağırlaşqan hastalıqlar çoqusı müstemlekede bulunğan vaqıt, yaramay şaraitte ve kerekli tibbiy yardımnıñ olmaması sebebinden peyda oldı.
"Qırım birdemligi" teşebbüsiniñ idarecisi Server Mustafayevniñ tirenüv-areket apparatınıñ bir sıra hastalığı bar, qalqan, yürek ve köz meseleleri bar. O, müstemlekede olmağan kompleks tedaviylevge muhtac. Mustafayev Rusiyede yasaq etilgen "Hizb ut-Tahrir" teşkilâtında iştirak etkeninde qabaatlanıp, 14 yılğa mahküm etildi.
Qırım faalcilerniñ tintüvleri ve mahkemelerini aydınlatqan oca ve jurnalist Osman Arifmemetovnıñ büyrek hastalığı, buüum artrozı, prostatiti ve alçaq ayaqlarınıñ yaraları bar. O acelen tibbiy teşkerüvge muhtac. O, "Hizb ut-Tahrir davasınıñ ekinci Aqmescit gruppası" çerçivesinde 14 yılğa mahküm etildi.
"Qırım birdemligi"niñ jurnalisti ve yayınlayıcısı Vilen Temeryanov tibbiy yardım kösterilmegeni sebebinden bütün tişlerini ğayıp etti. Oña acele tişçilik baqıluvı kerek. Temeryanov 2022 senesi arman ayında tutuldı — onıñ davası çerçivesinde üküm alâ daa çıqarılmadı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
