Ukrayina mahkemesi, "Sevastopol öz-özüni mudafaa etüvi" qanunsız silâlı birleşmesiniñ askeri olğan Ukrayina vatandaşını 7 yılğa ğıyabiy şekilde mahküm etti. Qırım işğal etilgen vaqıt o, Putinge "Qırımda bulunğan ruslarnı qorumağa" halq ögünde muracaat etti.
Oraq ayınıñ 3-nde Qırım Muhtar Cumhuriyeti ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeri prokurorolığı bunı bildirdi.
Adam qanunda qayd etilmegen silâlı birleşmelerniñ faaliyetinde (UCQniñ 260-ıncı maddesiniñ 2-nci qısmı) ve Ukratina toprağınıñ sıñırlarını ya da devlet sıñırını deñiştirmek çağıruvlarında (UCQniñ 110-ıncı maddesiniñ 1-inci qısmı) qabaatlı tanıldı.
Tahqiqatnıñ malümatına köre, o, Qırımda faaliyet köstergen Rusiyege qoltutqan cemaat teşkilâtı "Sotsial perspektivalar" Parlament merkezi"niñ yolbaşçısı edi.
İşğalniñ faal basmağı vaqtında mahküm etilgen adam, "Sevastopol özüni mudafaa etüv" firqasına kirdi. 2014 senesi kiçik ayda Sevastopolnıñ (Aqyarnıñ) merkeziy meydanında bir çoq biñlik mitingniñ teşkilâtçısı ve spikeri edi, anda Ukrayina toprağınıñ sıñırlarını deñiştirmege çağırdı. Hususan, Rusiye diktatorı Vladimir Putinden "Qırımdaki ruslarnı qorumağa" halq ögünde rica etti.
Bir aydan soñ "öz-özüni mudafaacısı" Sevastopolda (Aqyarda) Ukrayina Silâlı quvetleriniñ Arbiy-deñiz quvetleriniñ Ştabınıñ sarıp alınmasında iştirak etti. Prokurorlıq qoştı ki, adam "Sevastopol idare şurası yanındaki havfsızlıq departamenti"niñ yolbaşçısı edi, o, "Sevastopol öz-özüni mudafaa etüvi"niñ faaliyetini temin ete edi.
Qırım MC ve Sevastopol (Aqyar) şeeri prokurorlığı Suspilne Qırımğa añlattı ki, qabatalanğan adam olmadan mahsus makeme oturışları ("ğıyabiy ükümler") neticesinde çıqarılğan ükümler umumiy şekilde aqqını qazanalar. Yani apellâtsiya şikâyetnamesi berilmese, apellâtsiya şikâyetnamesini berüv müddeti (üküm çıqarılğan 30 kün soñ) bitecek soñ aqqını qazanır.
Apellâtsiya şikâyetnamesi berilse ve lâğu etilmese, apellâtsiya makemesi qarar alacaq soñ üküm aqqını qazana. Aynı zamanda adam tutulğan vaqıttan berli ceza müddeti başlap sayıla.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
