İşğal etilgen Keriçte içtimaiy ağlarda yazğan tefsirleri içün adam 7 yıl apis cezasına üküm etile bilir

İşğal etilgen Qırımda Rusiye FSBsi, tahqiqatnıñ fikirince, Telegramda "terrorizmni aqlağan" bir tefsir içün Keriç sakinine qarşı cinaiy dava açtı. O, 7 yılğa qadar apis cezası üküm etile bilir.

Rusiye FSBsiniñ Qırım ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeerindeki idaresine atfı etip, RİA "Novosti Krıma" bunı bildirdi.

Tahqiqatnıñ malümatına köre, uydurılğan adlar qullanğan kişi, Kremlde Putinniñ rezidentsiyasına endirgen uçucısız uçaq aletleriniñ ücümini desteklegenini bildirgen bir izaat qaldırğan.

"Lingvistik ekspertiza tefsirde terrorizmni aqlağan alâmetler olğanını tasdıqladı", — dep Rusiye FSBsiniñ Qırım ve Sevastopol (Aqyar) şeerindeki idaresiniñ beyanatında qayd etildi.

Dava iştirakçisinden kompyuter tehnikası tutıp alındı, oña qarşı cinaiy dava açıldı. Onı qabaatlağan madde 7 yılğa qadar apis cezasını belgiley.

Читати ще

Читати ще

Звинувачення в диверсіях, держзраді та екстремізмі: порушення прав людини у Криму за тиждень

Читати ще

Дітей в Криму змушують прибирати пам’ятники окупантам, які воюють проти України — ЦНС

Читати ще

У Криму чоловіка судитимуть за організацію зборів релігійного об'єднання "Свідки Єгови" у Керчі

Telegram, WhatsApp, Facebook, TikTok ve YouTubede Suspilne Qırım haberlerine abune oluñız