Varşavada din cemiyetleri, siyasetçiler ve cemaat erbaplarınıñ iştiragi ile birinci leh-ukrain dua sabalığı olıp keçti. Qırımtatarlarnı tedbirde Qırım Yuqarı Müftisi Ayder Rustamov taqdim etti.
Bu aqta Ukrainara kilseler ve diniy teşkilâtlar şurasınıñ saytında bildirildi.
Kiraz aynıñ 27-de Varşavada birinci ortaq leh-ukrain temçiti keçirildi: "Ukraina yañı Avropada. Kiliselerniñ emiyeti." Öz çıqışında Qırım Yuqarı Müftisi Ayder Rustamov Rusiye Federatsiyasınıñ işğalini birinci kere körgen Ukraina ve qırımtatarlar içün dua oqumaqnı rica etti.
"Cenk, Rusiyeniñ Qırımnı zapt etmesinen ve qırımtatarlarğa zulum ve apiske alınmasınen başlandı, şunıñ içün men sizni dua etmege ve Ukrainağa qoltutmağa devam etmege çağıram", – qayd etti Ayder Rustamov.
UGKK arhiyepiskopı Svâtoslav Şevçuk, öz çıqışında birinci leh-ukrain dua sahurlığı, "misli körülmegen tarihiy vaqia" olğanını bildirip ve Roma Bapası İoann Pavel II-niñ ruhiy vasiyetiniñ Poloniya-Ukraina barışığı ve Poloniya-Ukrainanıñ cenkten soñki yeri ve emiyetine dair üç elementini qayd etti, ya aynen:
- halqlar arasında barışuvına dair;
- aqiqiy daymalıq ve yardımına dair;
- Ukraina ayırılmaz bir qısmı olğan birleşken Avropasına dair.
Soñunda birinci leh-ukrain temçitiniñ iştirakçileri beraberlikte "Ötçe naş" duasını oqudılar.
Telegram, WhatsApp, Facebook ve YouTube-ta Suspilne Qırım haberlerine abune oluñız
