Qırımda işğalciler içtimaiy ağlardaki tefsirleri içün qadınnı şartlı olaraq apis cezasına mahküm ettiler. İşğalli quvetçilerniñ aytqanlarına köre, Qırım sakini "ruslarnı öldürmege çağıra edi".
İşğalli Qırım prokurorlığı bunı bildirdi.
"2022 ve 2023 seneleri qabaatlanğan şahıs içtimaiy ağlarda milliy gruppalarğa nisbeten zorbalıq areketlerine çağıruvlarnı derc etti", — dep aytıla haberde.
O, "mahkeme" davasında aytılğanı kibi, subetlerden birinde "aşırıcı çağıruvlar"nen izaatlar qaldırdı. Mahkeme qadınğa eki yıllıq şartlı apis cezasını berdi. O, saytlarnıñ, hususan İnternet ağınıñ idare etüvinen bağlı faaliyetnen oğraşmaq aqqından marum etildi.
RİA "Novosti Krım"nıñ bildirgenine köre, Yaltada yaşağan 38 yaşındaki qadın "ruslarnı öldürmege çağıra edi".
Читати ще
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
