İşğal etilgen Qırımda quvetçiler eki Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) sakinini "Ukrayina istihbaratınıñ emirinen gaz borusını patlatmağa tırışqanı"nda qabaatladı. Onıñ "devlet hainligi" davası işğalli mahkemege berildi.
İğalli Sevastopol (Aqyar) prokurorlığı bunı bildirdi.
"Sevastopolda yaşağan tutulğanlardan biri, internet mesencereleri yardımınen UMNniñ Bİİniñ temsilcilerinen qonuşa edi. 2023 senesi oraq-arman aylarında olarnıñ davetine Kıyivde diversiya azırlığını kördi. Evge qaytqan soñ, adam Ukrayina mahsus hızmetiniñ vekiliniñ vazifesine köre, uzaqtan çalıştırıla bilgen eki patlav cihazını azırladı. 2024 senesi oraq ayında o, Sevastopolnıñ Balıqlava rayonında gaz borusına cihazlardan birini yerleştirdi", — dep aytıla haberde.
İşğal etilgen Sevasatopol (Aqyar) "prokurorlığı"nıñ bildirgenine köre, şübheliler — 59 yaşındaki Dmıtro Podobedov ve 52 yaşındaki Kostântın Korolkov. İşğalciler olarğa "devlet hainligi"nden ğayrı, "patlayıcı maddelerniñ satın aluvı, saqlavı, azırlavı, terroristik areketlerni yapmaq ıntıluvı, terror faaliyetlerini kerçekleştirmek maqsadınen talim aluvı"nda da qabaatlaylar. Dava malümatlarında "Rusiye arbiy obyektleri aqqında malümat toplama" aqqında da aytıla. Ukrayina tarafı bu malümatnı izaatlamadı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
