Ukrayinada Qırımdan altı iş adamı duşmannen işdeşlikUkrayina CQniñ 111-1-nci maddesiniñ 4-nci qısmı sebebinden ğıyabiy şekilde mahküm etildi. Olarğa üç yıldan dört yılğa qadar azatlıqtan marum etüv cezası berildi. 10 yıl devamında olar ticaret faaliyetinen oğraşmaq aqqından marum ve mal-mülki müsadere etildiler.
Qırım Muhtar Cumhuriyeti ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeri prokurorlığı bunı bildirdi.
Tahqiqat, 2022-2023 seneleri mahküm etilgenlerniñ Rusiye devlet satın aluvı portalı vastasınen istilâcı devletniñ müessiselerinen mal ve hızmetlerniñ teminlevi içün añlaşmalar tizgenlerini ögrendi.
"Ayrıca, olardan biri "Tula vilâyetiniñ emek ve içtimaiy qoruv nazirligi" ve "Sevastopol şeeri devlet tasil müessiseleriniñ maddiy-tehnikiy teminlevi idaresine" "SVO" iştirakçileriniñ qorantaları içün raatlıqnı teşkil etmek içün hızmet ete edi", — dep aytıla haberde.
Diger bir iş adamı "2-nci tüzetüv müstemlekesi" içün qurucılıq malzemelerini temin ete edi.
"Başqa mahküm etilgenler "Rusiye İçki işler nazirliginiñ Yevpatoriya şeeri boyunca bölügi", "Rusiye İçki işler nazirliginiñ Qırım Cumhuriyeti boyunca tibbiy-sanitar bölügi", "Qırım Cumhuriyeti ve Sevastopol boyunca Federal Cezalandıruv hızmetiniñ idaresiniñ 1-nc tüzetüv müstemlekesi", "Zaporijjâ vilâyetiniñ tasil ve ilim nazirligi" ve ilâhrenen işbirlik tuttılar. Söz "KRIMTORG", "Tipografiya Mandarin", "Sevil" şirketleri aqqında kete", — dep prokurorlıq yazdı.
Berilgen hızmetleri içün duşman devlet bücetinden 60 million Rusiye rublesinden ziyade aldılar.
Qırım MC ve Sevastopol (Aqyar) şeeri prokurorlığı Suspilne Qırımğa añlattı ki, qabatalanğan adam olmadan mahsus makeme oturışları ("ğıyabiy ükümler") neticesinde çıqarılğan ükümler umumiy şekilde aqqını qazanalar. Yani apellâtsiya şikâyetnamesi berilmese, apellâtsiya şikâyetnamesini berüv müddeti (üküm çıqarılğan 30 kün soñ) bitecek soñ aqqını qazanır.
Apellâtsiya şikâyetnamesi berilse ve lâğu etilmese, apellâtsiya makemesi qarar alacaq soñ üküm aqqını qazana.
Aynı zamanda adam tutulğan vaqıttan berli ceza müddeti başlap sayıla.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
