Herson vilâyetiniñ ukrayin nezaretinde olmağan qısmındaki işğalli mahkeme adamnı Qara deñizde diversiya azırlağanında qabaatlap, sert rejimli müstemlekede 23 yılğa üküm etti. Rusiye kontrolindeki taqiqatnıñ malümatına köre, o, gaz platformasını patlattı.
Herson vilâyetiniñ işğalli prokurorlığı bunı bildirdi.
"2024 senesi qara qış ayında diversiya faaliyetini kerçekleştirüv boyunca azırlıq kördi. Silâlı taqımnıñ erkânında adam Qara deñizniñ cenübiy-ğarbiy qısmında Qırım şirketine ait deñiz platformasını patlattı. Neticesinde o, qullanuv içün yaramay oldı. 2024 senesi kiçik ayda o qanunsız şekilde Rusiye sıñırından keçip, Herson vilâyetinde Qara deñiz yalısındaki mayak kompleksini bozdı", — dep aytıla haberde.
İşğalli akimiyet onı sıñırdan qanunsız keçüv, silâ ve patlayıcı taşuv ve kontrabandanen qabaatladı. Bundan da ğayrı, adam 700 biñ rublelik para cezasını ödemek kerek.
Читати ще
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
