İşğal etilgen Qırımda maliye müessiseleriniñ hadimlerini Max adlı rusiye messencerine keçmege mecbur eteler. Bu hızmet bütünley Rusiye akimiyetiniñ nezaretindedir.
"Sarı şerit" areketi bunı bildirdi.
"Max — Rusiye messenceridir. Qqonuşma, bank ve devlet hızmetlerini birleştirgen Çin WeChat qullanuvına köre yaratılğan, amma Rusiye akimiyeti tarafından kontrol etile. "Ruslar, "çeburnet" olaraq adlandırılğan ağda tek kommunikatsiya usulını qullanmağa isteyler", — dep aytıla haberde.
Areket iştirakçileriniñ bildirgenlerine köre, o, başta iş meseleleri boyunca, soñra ise bütünley, tek kommunikatsiya kanalına çevirilmeli. Bu em devlet qurulışlarına, em de ayrı şahsiy şirketlerge aittir.
Qırımda şimdi dünyada söz serbestliginen eñ yaramay vaziyetlerden biridir, dep Suspilneniñ ProKrım leyhasınıñ tefsirinde kütleviy haber institutınıñ (KHİ) müdiri Oksana Romanük tarif etti.
"Anda serbest fikir yürsetmege, tenqit etmege izin bermeyler. Putin ya da akimiyetni tenqit etmek mümkün degil. Ukrayinada bizler internette laf etip, saylavlarda kimni istesek, onı saylay bilemiz. Yoq, olarda öyle bir şey yoq. Olarda sert bir patronalizm, sert bir nazar noqtası olmalı ve olar bu boşluqnı nezaret etmek kerekler", — dep Romanük tarif etti.
Mayıs ayında işğalli Qırım akimiyeti medeniyet saasında qanun deñişmelerine qol tuttı. Bu, muzıka, teatr, kino ve sanat olaraq qabul etile bilecek er türlü media kontentiniñ nezareti. İşğalli Qırım akimiyeti, "bozğan malümat" taşığan er angi malümatnıñ tarqatılmasını yasaq ete bile.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
