Qırım siyasiy mabüsi Zaur Abdullayevniñ, "Hizb ut-Tahrir davası"nıñ ekinci Aqyar gruppasınıñ mabüsi, Rusiye Federatsiyasınıñ apishanesinde sağlıq meseleleri kerginleşti. Şeker hastalığı ve yüksek qan basımından ğayrı, o, tişleriniñ çoqusını coydı.
Onıñ apayı Emine Abdullayeva Qırımtatar Maaliy Merkezine bunı bildirdi.
Şimdi Zaur Abdullayev Rusiye Federatsiyasınıñ Vladimir SİZOnda buluna. Onıñ bedeniy ve ruhiy sağlığı fenalaştı, çünki arman ayından berli apis müddeti bitkeninden berli apishanede tutuluv şaraitli belli degil.
"Sağlıq meselesi bar. Onıñ aytqanına köre, onıñ tek 12 tişi qaldı, çünki qalğanları ya qırıldı, ya da ağrı sebebinden çıqartırdı. Elbette, anda tiş yardımı berilmez. Tiş ağrısı olsa, onı tişçige yollaylar, o ise tek çıqarmağa teklif ete", — dep Emine Abdullayeva qayd etti.
Tiş meselelerinden ğayrı, Zaurnıñ şeker hastalığı ve yüksek qan basımı kerginleşti.
"Şeker hastalığı içün o, ilâclarnı ala. Alğanda — er şey yahşı, tutula, şeker sıñırında. Ayağında bir şişşik peyda oldı — onen ne yapacağımıznı bilmeymiz", — dep qoştı o.
Onıñ aytqanına köre, şimdilik Qırım siyasiy mabüsine bedeniy basqı yapılmay, lâkin onıñ ruhiy alı "daa yahşı olmasını istey". Yaqınlarda o, Zaurnen telefon vastasınen laf etti, amma ondan iç bir mektüp kelmedi. Ruslar onı yılda bir kere körmege izin bereler. Zaur tedbirge kelmese, küzde o, körüşüvge ariza yazmağa planlaştıra.
"Çoq barmaq paalıdır, çoq para. Amma halqımız pek birleşken, biri-birine yardım ete. Men ise özüm çalışam ve kelecek körüşüvge bir yıl devamında para qaldırmağa tırışam", — dep siyasiy mabüsniñ apayı tarif etti.
Zaur Abdullayevniñ müddetinden evel azat etilüvine kelgende, onıñ apayı buña endi inanmay.
"Onıñ maddesine alâ daa deñişüv, müddetten evel azat etüv ya da azat etüv yapılmadı. İnsannı sevgende, onı terk etmek qolay degil. Amma bizler bu yaşayış basamağından Yüce Allahqa ümüt ve sabırnen keçemiz", — dep Emine Abdullayeva yekünledi.
Hatırlatamız ki, 2021 senesi arman ayınıñ 17-nde Rusiye quvetçileri beş qırımtatarınıñ evlerine keldiler: Cebbar Bekirov, Zaur Abdullayev, Rustem Tairov, Raif Fevziyev ve Rustem Murasov. 2021 senesi arman ayının 18-nde Sevastopolnıñ (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adnıñ) işğalli rayon mahkemesi Rustem Murasov ve Zaur Abdulayevni 2021 senesi orta küz ayınıñ 11-ne qadar "tevqif tutmaq içün qorçalav tedbiri"ni sayladı. İşğalciler, Cebbar Bekirovnı sert rejimli müstemlekede 17 yılğa apis cezasına mahküm ettiler. Davanıñ diger mabüsleri, şu cümleden Zaur Abdullayev, 12 yılğa mahküm etildi.
"Hizb ut-Tahrir davası"nıñ ekinci Aqyar gruppası aqqında ne bilemiz
2021 senesi arman ayınıñ 17-sinde işğal etilgen Qırımda rus quvetçileri, qırımtatarlarnıñ evlerini kütleviy olaraq tintken soñ beş qırımtatar adamını tuttılar: Aqyarnıñ Nahimov rayonından faalci Rustem Murasov ve Rustem Tayirov, Balıqlava rayonından Cebbar Bekirov, Bağçasaray rayonında faalci Zavur Abdullaev ve Aqmescit rayonından Reyif Fevziev.
O zaman Musarov ekinci kere tutuldı. Birinci kere 2016 senesi kiçik ayda tutuldı, amma birazdan azat etildi. Bu sefer ise faalci Rostov-na-Donudaki qırımtatarlarnıñ dava oturışlarından qaytqan soñ tutuldı. Öz halqınıñ temsilcilerini destek etmek maqsadınen o yerge ketti.
Hizb ut-Tahrir, islâm siyasiy fırqasıdır. 2003 senesi Rusiyede o, terrorcı bir teşkilât olaraq tanındı, oña bağlı olğan insanlarnı ise taqip etmege başladılar. İştirakçileri, "qanunlarğa qarşı faaliyet"te ve böyle degen "cian hilâfeti"ni yaratmağa ıntılmağa qabaatlanalar. 2014 senesi Qırım işğal etilgen soñ işğalcilerniñ qanunları zapt etilgen Qırımda da qullanılmağa başlandı. Qırımlı musulmanlarnı da Hizb ut-Tahrirge bağlı olmaqta qabaatlamağa başladılar, böylece yarımadanıñ işğaline qarşı olğanı sebebinden qırımtatarlarğa basım arttı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
