İşğal etilgen Qırımğa Rusiye turistler olaraq bir qaç kere cinayet yapqan insanlarnı ketire. Soñki künleri yarımadada Rusiye "turistleri" tarafından yapılğan hırsızlıqnıñ sayısı arttı.
Milliy muqavemet merkezi bunı bildirdi.
"Rusiye vaqtınca işğal etilgen Qırımnıñ turistik mevsimini suniy surette canlandırmağa tırışa, "raatlanğan adamlar"nı merkezleştirgen şekilde uzaqlıqtan ketire. Olarnıñ arasında bir qaç kere cinayet yapqan adamlar ve cinayetçiler de bar. Tek soñki künleri Çelâbinskten kelgen eki sözde "turist" — 42 ve 30 yaşında — işğal etilgen Qırım boyunca kerçek bir cinaiy turnı teşkil ettiler", — dep aytıla haberde.
Hususan, yuqarıda añılğan "turistler" işğal etilgen yarımadağa kelip, hırsızlıq yaptılar ve naqliyat vastalarını çaldılar. Olar evelden apis cezasını çekken ediler.
"Eki adamnıñ 10 yıldan çoq davası ve 30 yıllıq apis cezası bar", — dep MMM qoştı.
Milliy muqavemet merkeziniñ bildirgenine köre, işğal etilgen Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda) "gubernatorlıq mektep iş taqımları" çalışıp başladı. Yaz tatillerinde balalarnı "SVO qaramanları"na bağışlanğan abidelerni ve şeer bağçalarını temizlemege mecbur eteler.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
