Aqşam saat 16:00 Qırım köpürinde 860-tan ziyade avtomobil teşkerüvni bekley. İşğalciler Qırımdan çıqmaq içün aydavcılarnıñ minimal beklev vaqtı eñ azdan eki saat olğanı aqqında haberdar eteler. Kirmek içün bir saatqa yaqın vaqıt kerek.
Bu aqta köpürdeki vaziyetnen bağlı operativ malümatlarnıñ Telegram kanalı haber ete.
Rusiye kütleviy haber vastalarınıñ malümatına köre, şimdi Keriç tarafında 610 avtomobil nevbette turmaqta ve orta esapnen beklev vaqtı eñ azdan 2 saat, Taman tarafında ise 250 avtomobil nevbette tura ve beklev vaqtı tahminen bir saat.
Qırım köpürinde nevbet, saba saat 11-den soñ toplanmağa başladı. Maşnalarnıñ sayısı ket-kete arta. Bunı "Qırım köpüri: operativ malümatı" közetüv kanalınıñ malümatları isbatlay.
"Qırım köpürinde yol havfsızlığınıñ quvetleştirilgen tedbirleri yerine ketirile, er bir naqliyat ve yolcularnıñ yükü teşkerüvge oğray", — dep yaza RİA Novosti Krım.
Hatırlatamız, kiraz aynıñ 3-de UTH, yañı mahsus operatsiyanı keçirdi ve köpürniñ tayançlarında bir tonnadan ziyade patlatıcı madde qullanıp, üçünci kere Kerç köpürini urdı.
İşğal etilgen Qırımda kiraz aynıñ 14-15 künleri boran aqqında haberdarlıq ilân etildi.
Telegram, WhatsApp, Facebook ve YouTube-ta Suspilne Qırım haberlerine abune oluñız
