İşğal etilgen Kerçte (Keriç)Rusiye imperatorlığı ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adı ilk nevbette Rusiye bayrağını kötergen rusiye tarafdarlı faali Konstantın Yermanov Ukrainağa qarşı cenkte elâk oldı. Yıl devamında o ğayıp olğan sayıldı, şimdi onıñ ölüm aqiqatı tasdıqlanıldı.
Bu aqta anası Yermanova Tetâna Rusiyeniñ "Agentlik" adlı neşirine haber etti.
"Kiraz aynıñ 12-de oña Rusiye arbiy bölüginden telefon açıldı ve oğlunıñ ölümi aqqında haber berildi. Tanıtma vaqtında ananıñ biologik materialı qullanıldı, onı o, arbiy komissariat vastasınen teslim etti, soñra onı Rostov-na-Donudağa alıp kettiler", – denile haberde.
Yermanov, Rusiye tarafdarlı "Qırım baari" areketiniñ azası edi. 2014 senesi Keriçte şeer memuriyetiniñ binasına Rusiye bayrağını astı. Soñra o, rusiyeniñ "Rodina" firqasından Kerçniñ işğalci şeer şurasınıñ deputatı oldı.
Soñra Sergey Aksönov başlıqlıq yapqan Qırımnıñ işğal akimiyetini tenqit etip başladı. 2021 senesi kelir beyannamesindeki doğru olmağan şeyler sebebinden mandatından marum etildi.
2023 senesi saban ayında Kerç (Keriç) mahkemesi onı 11 yılğa qattı intizamlı apishanege mahküm etti. Yermanov, narkotiklerniñ saqlav ve tarqatuvında qabaatlanıldı.
Bir kün devamında onı endi sabıq siyasiy mabus, Ukrainanıñ Türkiyedeki elçisi Nariman Celâl tutulğan odağa qoydılar. Bu aqta Celâl Facebook-ta yazdı.
"Men şimdi de bilmeyim, bu qastlı qızıştıruvımı — eki mefküreviy raqipni bir odağa qoyması, yoqsa tahqiqat tevqifhanesi idaresiniñ diqqatsızlığımı. Amma, körüne ki, drama olmaz dep emin olğan soñ, onı alıp kettiler. "Rus Qırım" ğayesi viran etilip Rusiyede demokratiya olmaycağını ve Avropağa qaçmaq kerekligini añlatıp cevap almağanını kördiler. Qayısı seçim doğru olğanını añlamaq içün, ne içün başıñnı urmaq kereksiñ?", – dep yazdı o.
Yermanov apishaneden cenk içün çıqqan, ğaliba.
Telegram, WhatsApp, Facebook ve YouTube-ta Suspilne Qırım haberlerine abune oluñız
