Qırımda işğalcilernen işbirlik yapqan dört sabıq prokurornıñ qabaatlav aktları Devlet taqiqat bürosı tarafından mahkemege yollanıldı. Olarğa devlet hainligi111-1-nci maddeniñ 5-nci qısmınde şübhe bildirildi. Bu madde boyunca qabaatlanğan şahıs 15 yılğa qadar apis cezasını ala bilir.
DTB Facebookta bu aqqında haber etti.
"İftiracılar daa evel Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad — terciman), Saq ve Yalta prokurorlıqlarında çalışqan ediler. İşğalden soñ olar Qırım "prokurorlığı"nda vazifeler aldılar ve Rusiye qanunları boyunca çalışmağa devam ettiler. Olardan biri atta işğalli parlamentniñ mebusı oldı", — dep aytıla haberde.
Bundan da ğayrı, DTB Qırım MCdeki Keriç şeer mahkemesiniñ sabıq mahkemecisine şübhe bildirdi. Tahqiqatnıñ malümatına köre, işğalden soñ Putin onı eki kere qanunsız şekilde mahkemeci olaraq tayinledi: başta Keriç şeer mahkemesine, soñra ise Saq rayon mahkemesine. O, devlet hainliginde de şübheli sayıla.
Qırım Muhtar Cumhuriyetiniñ Prokuraturasından Sospılyunğa bildirgenlerine köre, Ukrayina Anayasasınıñ 62-nci maddesine binaen, şahıs cinayet işlegeninde qabaatsız sayıla ve qabaatı qanuniy şekilde isbatlanıp, mahkeme tarafından qabaatlayıcı üküm çıqarılmağanına qadar cinaiy cezağa oğratılmay.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
