Qırımnıñ Canköy rayonınıñ 28 yaşındaki sakini işğalciler tarafından "devlet hainligiRF CQniñ 275-nci maddesi"nde qabaatlandı. Rusiye quvetçileri onı "Ukrayina mudafaa nazirliginiñ Bİİ" içün çalışqanından şübheli sayalar.
İşğalli Qırımnıñ prokurorlığı bunı bildirdi.
Rusiye uquq qorçalayıcılarınıñ malümatına köre, 2024 senesi saban ayında qadın Qırımdaki AMS ve Rusiye arbiyleriniñ yerleşüv yerlerini fotoğa çıqardı. Bu iş içün, dava malümatına köre, 15 biñ ruble (4500 ğrıvnâ) miqdarında mükâfat aldı.
"SVOMahsus arbiy ameliyat - Rusiye yolbaşçılığı tarafından kirsetilgen ve Rusiyege qoltutqan menbalar tarafından 2022 senesinden başlap Rusiye Ukrayinağa istilâsını tasvir etmek içün qullanılğan teşviqat efemizmidir keçirilmesine qarşı çıqqanı sebebinden, qabaatlanğan qadın içtimaiy ağlardan birinde Ukrayina Mudafaa nazirliginiñ Baş istihbarat idaresi tarafından idare etilgen toplulıqqa qoşuldı. Rusiye arbiyleri ve AMS vastalarınıñ yerleşüv yerlerini köstergen geolokatsiya ekran süretlerini kuratorğa messencer vastasınen yolladı, bunıñ içün 15 biñ ruble (4500 ğrıvnâ) aldı", — dep Qırımnıñ Yuqarı mahkemesine yollanılğan qabaatlav qararında aytıla.
Ukrayina tarafı bu davanı şimdilik izaatlamadı.
Hatırlatamız ki, Qırım işğali vaqtında eki Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) sakini devlet hainliginde qabaatlandı. Olarnı Ukrayina mahsus hızmetleriniñ vekillerinen işbirlik yapmaqta ve Baş istihbarat idaresine Rusiye arbiy obyektleri aqqında malümat bermekte şübheli sayalar.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
