İşğal etilgen Qırımnıñ Yevpatoriya (Saq) rayonınıñ on sekiz meskün yerinde bozarğan aynıñ 18-20 künleri gaz berilmesi toqtatılacaq. İşğalciler bunı tamir işleri kerekliginen añlattılar.
Telegramda Rusiye kontrolindeki "Krımgazseti" müessisesi bunı bildirdi.
Gaz şu meskün yerlerde söndürilecek: Dolınka, Juravli, Lıstove, Ohotnıkove, Orlânka, Karyerne, Vınogradove, Naumivka, Runne, Mıtâyeve, Şovkovıçne, Trudove, Krayne, Vodopiyne, İlyinka, Zernove, Sızivka, Verşınne.
Bundan ğayrı, bozarğan aynıñ 11-nde işğalli Qırım prokurorlığı bildirdi ki, Keriçte suv teminatınıñ fevqulâde kesilmesiniñ sebeplerini teşkerecek. RİA "Novosti Krım"nıñ bildirgeni kibi, şeerde suv teminatı bozarğan aynıñ 1-nden 3-ne qadar tamir işleri sebebinden söndürildi.
Hatırlatamız ki, işğalciler, kurort mevsimi devamında Qırım içlir suvnen 60%-i temin etilecegini bildirdiler. Daimiy surette resurs tek Cenübiy yalı boyundaki kurort şeerleri ve mesken yerlerinde berilecek.
Rusiyege boysunğan Qırım parlamentiniñ ekologiya ve tabiat resursları eyyetiniñ reisi Svetlana Şabelnikova "Sputnik Krıma" radiosınıñ canlı yayınında bunı bildirdi. 40%-niñ eksikligini ise nasıl qapatacaqlarını añlatmadı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
