Sevastopolniñ işğal idaresi, eki yañı ava signalını kirsete – "Deñiz havfı" ve "Ava işareti ve deñiz havfı". Sebebi – deñiz dronlarınıñ ücümleri ve raketalar, UUA ve pilotsız yer üstü qayıqları yardımınen qarışıq ücümlerniñ havfıdır.
Bu aqta şeerniñ "gubernatorı" Mıhaylo Razvojayev bildirdi.
Bu qarar, "Operativ ştab" dep adlandırılğan toplaşuvında qabul etildi.
Razvojayev qoştı ki, bu, idda etilgen deñiz dronları ile ukrain ücümleriniñ şiddetlenmesinen, em de raketalar, UUA ve deñiz zenit raketaları olğan qarışıq ücümlerinen bağlıdır.
Umumen endi dört türlü işaret çalışacaq - "Ava havf işareti", "Ballistika", "Deñiz havfı" ve "Ava işareti ve deñiz havfı". Telüke işaretiniñ endi mahsus audio ve video dizaynı bar.
Читати ще
Telegram, WhatsApp, Facebook ve YouTube-ta Suspilne Qırım haberlerine abune oluñız
