Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda) işğalli akimiyet zapt etilgen "Kostântın Olşanskıy" ukrayin desant gemisini diger gemilerni tamir etmke içün yedek parçaları menbası olaraq qullana. "Ateş" arbiy-partizan areketiniñ malümatına köre, ruslar, flotunıñ kritik vaziyeti, sanktsiyalar ve USQniñ ücümleri sebebinden tamirlenmek imkânı olmağanı içün gemini parçalaylar.
Bozarğan aynıñ 6-nda öz Telegram kanalında areket bunı bildirdi.
"Ateş"niñ menbalarına köre, işğalciler zapt etilgen gemini "donor" olaraq qullanalar — muntazam sürette ondan diger desant gemilerini tamir etmek içün donatmalarnı çıqaralar.
"Bu vaqia, Rusiye Federatsiyasınıñ Qara deñiz flotunıñ ağır tehnikiy vaziyetini köstere. Sanktsiyalar, Ukrayina silâlı quvetlerniñ ücümleri ve bozulğan logistika şaraitinde ruslar gemilerniñ tamiri ya da deñiştirilmesini temin etip olamay. Boşatılğan gemilerni yedek parçaları olaraq qullanuv mecburiy bir norma oldı ve "Olşanskıy" — tek bir misaldir", — dep partizanlar qoştılar.
Gemi 2014 senesi Qırım işğal etilgen soñ Rusiye tarafından zapt etilgen edi. Aman-aman on yıl devamında onı hırsızlay ediler, amma 2024 senesi saban ayında ukrayin quvetleri "Neptun" raketası vastasınen gemini bozdılar.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
