İşğal etilgen Simferopolda (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adte) 21 yaşındaki Sidamet Sitmetmetov ğayıp oldı. Qıdıruv endi eki kün devam ete. Oğlan soñki sefer Oktâbrniñ 60-ncı yıllığı soqağındaki 17-nci evniñ azbarından çıqqanında köründi.
Qırımtatar faalcisi ve jurnalisti Lütfiye Zudiyeva Facebookta bunı bildirdi.
Soy-soplarınıñ aytqanına köre, Sitmetmetov eñ yaqın soqaqta ğayıp oldı, maşnası ise evniñ yanında qaldı. O vaqıttan berli onen bağ yoq.
Qorantası polis ve "LizaAlert" qıdırıcı-qurtarıcı qurulışına muracaat etti.
"Sidamet Sitmetmetovnı Simferopolnıñ Oktâbrniñ 60-ncı yıllığı soqağında körgen ya da er angi malümatqa saip olğan er kesni şahsiy haberinde bağlanmağa rica eteler", — dep Zudiyeva yazdı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
