Ukrayina uquq qoruyıcıları Qırımğa işğalcilerniñ tasil standartlarını kirsetken eki Ukrayina vatandaşına qarşı qabaatlav aktlarını mahkemege berdi. Olar duşmannen işdeşlikUkrayina CQniñ 111-1-nci maddesiniñ 3-nci qısmı yapqanı içün 15 yılğa apis cezasını ala bileler.
Bozarğannıñ 3-nde Qırım MC ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeri prokurorlığı bunı bildirdi.
Tahqiqatnıñ malümatına köre, olar 2021-2023 seneleri işğal etilgen Qırım cumhuriyet diplomdan soñ pedagogik tasil institutında (QCDSPTİ) "filologiya kafedrası" ve "pedagogik hadimlerniñ ihtisasiy ustalığınıñ devamlı yükseltilmesi merkeziniñ funktsional edebiyat bölügi"niñ müdiri olmağa razı oldılar.
Qabaatlanğanlardan biri diger "pedagoglar"nen beraberlikte Rusiye Federatsiyasınıñ tasil standartları boyunca 5-11 sınıf talebeleri içün rus tilinden dersliklerni azırladılar.
UHHniñ Qırım Muhtar Cumhuriyetindeki Baş idaresinde bildirgenlerine köre, bu kitapçıqlarda pedagoglar, biologiya ve rus tili ve edebiyatı dersleri vaqtında Kreml mefküresini tarqatmağa ögrene.
2024 senesi mayıs ayında "Qırımda rus tili: rusistlerniñ teşebbüsleri ve perspektivaları" matbuat konferentsiyasında o, bu dersliklerniñ azırlanuvı aqqında aytıp, ocalar, talebeler ve ana-babalarnı olarnı oquv esnasında qullanmağa çağırdı.
"Böyle "yarışlar"nıñ esas maqsadı — tasilcilerni zorbalıqnen ruslaştırmaq ve mektep talebeleriniñ ukrain kimligini yoq etmek", — dep UHHniñ Qırım idaresi qayd etti.
Prokurorlıq qayd etti ki, diger qabaatlanğan yarımadanıñ mekteplerinde "yañartılğan federal devlet tasil standartları"nıñ amelge keçirilmesi boyunca ocalar içün bir çoq seminarlarda çıqışta bulundı.
"Qabaatlanğanlar öz areketlerinen işğalli devletke ukrayin programmaları ve tasil standartlarını Qırım mektep talebeleriniñ oquv esnasından çıqarmağa ve yarımadanıñ oquv yurtlarında rus tilini qullanmağa yardım eteler", — dep prokurorlıq qayd etti.
Hatırlatamız ki, evel Milliy muqavemet merkezi işğalciler Qırım mekteplerinde balalarnıñ areket tarzı boyunca qıymet kesüv usulını ğayrıdan tiklemege planlaştıra, dep bildirdi. Bu da, mütehassıslarnıñ fikirince, ealini qorquzmaq içün qullanılğan daa bir vasta. Mektep talebeleri qorantalarğa, hususan ukrayin tilinde laf etkenlerge basqı yapa bile.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
