Ukrayina prezidentiniñ QMCdeki temsilciliginiñ "Serbest Qırımğa mektüpler" teşebbüsi çerçivesinde ukrayin felsefecisi ve Ukrayin PENSöz serbestligi ve müelliflerniñ aqlarını qorçalamaq, edebiyat inkişafını ve halqara medeniy işbirligini desteklemek maqsadınen qurulğan ukrayin cemaat teşkilâtı. prezidenti Volodımır Yermolenko Qırım siyasiy mabüsi Ruslan Zeytullayevniñ mektübini oqudı. Rusiye qırımtatarnı sert rejimli müstemlekede 15 yılğa qanunsız şekilde üküm etti.
Bozağan aynıñ 3-nde QMC temsilciligi öz X saifesinde bunı bildirdi.
Zeytullayev 10 yıldır apislikte devamında defalarca açlıqnı ilân etip, Birleşken Milletler Teşkilâtına muracaat etti. Bugün Avropa parlamentiniñ azaları qırımtatarğa ükümni takbih ettiler.
"Siziñ "Serbest Qırımğa mektüp" teşebbüsine qoşulmaq, Ruslanğa mektüp yazmaq, onıñ ikâyesini dostları ve abunecilerinen paylaşmaq, Rusiyeniñ susturmağa tırışqanlarına qol tutmaq imkânıñız bar. Qarşılıq devam ete!" — dep v qayd ettiler.
Ruslan Zeytullayev aqqında ne bilemiz
Qırımtatar Ruslan Zeytullayev 1985 senesi bozarğan aynıñ 15-nde Özbekistannıñ Taşkent şeerinde dünyağa keldi. 9 yaşında olğanda qorantası sürgünlik yerlerinden Qırımğa, Sevastopol (Aqyar) civarındaki Orlıne köyüne qayttı. Mektepte birinci sınıf talebesi edi, amma 7-nci sınıftan soñ oqumağa toqtatmağa mecbur oldı. Erte çalışmağa başladı — hızmetçi, aşçı ve qurucı edi.
2015 senesi qara qış ayında Zeytullayevlerniñ evine FSB hadimleri kelip, Ruslannı tintken soñ tuttılar ve oña qarşı cinaiy dava açtılar.
2016 senesi ilk küz ayının 7-nde Rostov-na-Donudaki Şimaliy Kavkaz bölgesiniñ arbiy mahkemesi onı "Hizb-ut-Tahrir davası"nda 7 yıl apis cezasına mahküm etti. O, "terror teşkilâtınıñ faaliyetini teşkil etüvde" (RF Ceza qanunnamesiniñ 205.5 maddesiniñ birinci qısmı) ve "evelden añlaşqan gruppa tarafından akimiyetni zorbalıqnen zapt etüvge azırlanuvda" (RF Ceza qanunnamesiniñ 35 maddesiniñ ekinci qısmı, 30 maddesiniñ birinci qısmı ve 278 maddesiniñ ekinci qısmı) qabaatlandı. Prokuror imayecinen razı olmadı, ve davanı ğayrıdan baqmağa yolladılar.
2017 senesi çiçek ayınıñ 26-nda Rusiye mahkemesi Zeytullayevge yañı qabaatlav ükmüni çıqardı ve onıñ cezasını sert rejimli müstemlekede 12 yılğa qaldırdı.
2017 senesi oraq ayınıñ 27-nde Rusiye Yuqarı mahkemesi apis cezasını 15 yılğa qadar arttırdı.
Avropa parlamentiniñ azaları qırımtatarğa çıqarılğan ükümni takbih ettiler. Öz beyanatında parlamentariyler, Zeytullayevniñ cinaiy davağa ve ükümge qarşı narazılıq olaraq ilân etken açlıqtan sebep, Ukrayina konsullarınıñ yanına kirmesini, onı Ukrayinağa avuştırmasını ve hastahanege yatqızılmasını talap ete ediler.
Hizb ut-Tahrir, islâm siyasiy fırqasıdır. 2003 senesi Rusiyede o, terrorcı bir teşkilât olaraq tanındı, oña bağlı olğan insanlarnı ise taqip etmege başladılar. İştirakçileri, "qanunlarğa qarşı faaliyet"te ve böyle degen "cian hilâfeti"ni yaratmağa ıntılmağa qabaatlanalar. 2014 senesi Qırım işğal etilgen soñ işğalcilerniñ qanunları zapt etilgen Qırımda da qullanılmağa başlandı. Qırımlı musulmanlarnı da Hizb ut-Tahrirge bağlı olmaqta qabaatlamağa başladılar, böylece yarımadanıñ işğaline qarşı olğanı sebebinden qırımtatarlarğa basım arttı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
