Qırımnıñ Yevpatoriya (Kezlev)Rusiye imperatorlığı ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adı şeeriniñ (Çernomorskiy rayonı) sakini, Ukrain mahsus hızmetlerinen işbirlik yapqanı içün işğalciler tarafından makeme etilecek. O, yarımadada Rusiyeniñ arbiy obyektleri aqqında malümat toplap, yetkizüvinde qabaatlanıla.
Bu aqta yarımadanıñ işğal prokuraturası haber ete.
İşğal tahqiqatınıñ versiyasına köre, o, 2022 senesi uvut ayından başlap 2023 senesi ilk küz ayına qadar Ukraina mahsus hızmetlerinen alâqanı qurğan.
"Vazifeni alğan soñ, qabaatlanğan adam, istiqlâllarnıñ yerleşken yerleri, kadrlar, arbiy tehnika, Rusiye Federatsiyası Mudafaa Nazirliginiñ bölükleriniñ yerleşken yerleri aqqında malümat topladı. Erkek, idarecige haberlerni messencer vastası ile yerleşüv belgileri ve añlatuvlı sesli haberler olğan haritanıñ fotoresimlerini yolladı", – denile beyanatta.
İşni yarımadanıñ işğal Yuqarı mahkemesi baqacaq.
Hatırlatayıq ki, Ukraina Prezidentiniñ Qırımdaki temsilciligi, işğalci Qırım mahkemeleri ve diger “idare” organları ögünde “Rus ordusınıñ itibarından tüşürüvine” dair 1350 işini qayd etken.
Telegram, WhatsApp ve Facebookta Suspilne Qırım haberlerine abune oluñız
