İşğal etilgen Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) körfezinde boq tökülgeni sebebinden yunus balıqları elâk ola. Şeer memurları çirkeflerni deñizge aça ediler. Kirlilik bir künden çoq devam etti, ve ayvanlarnıñ şiddetli ağrısı, şişmesi ve iç qanamasınıñ sebebi oldı.
Milliy muqavemet merkezi (MMM) bunı bildirdi.
"Bu, işğalcilerniñ Qırım tabiatına nisbeten olğan barbar munasebetiniñ bir misalidir. Sistematik ekologik siyaseti olmağanı, temizlev inşaatlarınıñ bozuluvı ve qabarcılıq sebebinden Qırımda deñiz bir kanalizatsiya çuqurına çevirile", — dep aytıla haberde.
MMM, halqara ekologik teşkilâtlarnı bu vaziyetke diqqat ayırmağa ve vaqtınca işğal etilgen topraqlarda (VİEt) ekologik genotsid içün duşmannen işbirlikçilerni mesüliyetke çekmege çağıra.
Hatırlatamız ki, çiçek ayında Merkeziy naqliyat hızmetiniñ bildirgenine köre, işğal etilgen Qırım yalısında ruslarnıñ areketleri neticesinde, şu cümleden Rusiye arbiy gemilerinden çıqqan neft mahsulatı sebebinden, yunus balıqlarınıñ kütleviy şekilde ölümi qayd etildi. Yunus balıqları ğayıp olalar ve yalığa atılalar.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
