Ukrainayda yırcı Roksolana Aliyeva, ses prodüseri Vladıslav Revanen işbirlikte şiiriyet, kinematografik ses ve vatandaş qarşılığı sıñırında yaratılğan muzıka-şiir albomını taqdim etti. Albomnıñ adı "TOT"Тимчасово окуповані території" — "Vaqtınca işğal etilgen topraqlar"".
Suspilne Qırımğa Roksolana Aliyeva bunı bildirdi.
Albomda "Sarı şerit" qarşılıq areketi, Qırım Çağalaları, "Ateş" arbiy-partizan areketiniñ gimni ve "Açuvlı Mavka" qarşılıq areketine bağışlanğan dört şiiriy yır bar.
Ses prodüseri Vladıslav Reva. Роксолана Алієва
Aynı zamanda ses prodüseri Vladıslav Reva, şiirlerniñ duyğusal relyefini qayd etken kinematografik tarzda tertipler yarattı: ağrıdan ğalebe qazanğanına qadar.
"Şiiriyet — silâdır. Toplar susqanda, ilham perileri laf eteler. Amma toplar çalğanda da, ilham perileri susmamalılar", — dep Roksolana Aliyeva qayd etti.
Şair Roksolana Aliyeva. Роксолана Алієва
Aynı zamanda albomnıñ qapağında Ukrayina haritasınıñ sıñırı tasvirlengen, anda vaqtınca işğal etilgen topraqlar "TOT" yazısınen sarı şeritinen simvolik olaraq — cinayet yerinde tenbiyeleme şeriti kibi sızılğan.
"Bu levha — zapt etüv, ağrı ve aqiqatnı qayd etüvniñ metaforasıdır: Vaqtınca işğal etilgen topraqlar — arbiy cinayet meydanıdır", — dep müellif qoştı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
