Qırımda Rusiye işğalcileri, Ukrayinağa ketip, Rusiye ordusına qarşı cenkleşmege istegeninde qabaatlanğan Yalta sakinini tuttılar. Bu sebepten işğalli mahkeme oña 12 yıl apis cezasını berdi.
Rusiye Federatsiyasınıñ Qırım ve Sevastopoldaki (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki addaki) Federal havfsızlıq hızmeti bu aqqında haber etti, dep RİA "Novosti Krım" yazdı.
Bildirilgeni kibi, Simeiz köyüniñ sakini "Rusiye ordusına qarşı cenk areketlerinde iştirak etmek içün" işğal etilgen topraqtan çıqmağa qarar berdi.
"Milliyetçiniñ yaşağan yerinde şahsiy kompyuter, idarecinen bağ qurmaq içün qullanğanı bağ vastaları ve onıñ qanunsız faaliyetinen bağlı diger şeyler tapılıp alındı", — dep aytıla haberde.
İşğalli Cenübiy bölgeniñ arbiy mahkemesi adamnı sert rejimli müstemlekede 12 yılğa üküm etti.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
