Ukrayinada işğalli Qırım içki siyaset, malümat ve alâqa naziri mahkeme etilecek. "Nazir" Rusiye Federatsiyasınıñ malümat siyasetiniñ amelge keçirilmesini temin ete ve yarımadanıñ matbuat alanında Rusiye teşviqatını faal sürette tarqata.
Qırım ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeri prokurorlığı Telegram kanalında bunı bildirdi.
Qayd etildi ki, 2024 senesi çiçek ayında qabaatlanğan adam duşman teklifine razı olıp, işğalli akimiyet organında vazife aldı. "Qırım Cumhuriyetiniñ yolbaşçısı" Aksönovnıñ fermanınen onı "Qırım Cumhuriyeti içki siyaset, malümat ve bağ naziri" vazifesine tayinlediler.
"Muhtariyet prokurorlığı işğalli Qırım Cumhuriyeti içki siyaset, malümat ve alâqa nazirine qarşı qabaatlav aktını mahkemege yolladı. Onıñ areketleri duşmannen işbirlik faaliyetiUkrayina CQniñ 111-1-nci maddesiniñ 5-nci qısmı olaraq belgilene. Maddege köre, o 10 yılğa qadar apis cezasını ala bilir", — dep aytıla haberde.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
