İşğal etilgen Qırımdan sabıq mahkemeci 13 yılğa azatlıqtan marum etilip, mal-mülki müsadere etildi. Onı devlet hainliginde qabaatlaylar.
Qırım Muhtar Cumhuriyeti ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeri prokurorlığı bunı bildirdi.
Prokurorlar, yarımada işğal etilgen soñ Ukrayina vatandaşı Ukrayina halqına sadıqlıq antını bozğanını isbatladılar.
"Ayrıca, o, Rusiye Federatsiyasınıñ mahkemeciler Yuqarı ihtisas kollegiyasına Qırım Cumhuriyetiniñ Feodosiya (KefeRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad — terciman) şeer mahkemesiniñ boş vazifesine tevsiye arizasını azırladı ve berdi. 2014 senesi ilk qış ayında o, "Qırım Cumhuriyetiniñ Kefe şeer mahkemesiniñ mahkemecisi" olaraq tayinlendi, anda o, istilâcı devletniñ adından ve menfaatlarında "adaletni" yerine ketirdi", — dep aytıla haberde.
QMC prokurorlığınıñ malümatına köre, çiçek ayına qadar devlet hainliginde qabaatlanıp mahküm etilgen Qırımnıñ 140 sabıq mahkemecisi bar.
Qırım MC ve Sevastopol (Aqyar) şeeriniñ prokurorlığı Suspilne Qırımğa añlattı ki, qabatalanğan adam olmadan mahsus makeme oturışları ("ğıyabiy ükümler") neticesinde çıqarılğan ükümler umumiy şekilde aqqını qazanalar. Yani apellâtsiya şikâyetnamesi berilmese, apellâtsiya şikâyetnamesini berüv müddeti (üküm çıqarılğan 30 kün soñ) bitecek soñ aqqını qazanır.
Apellâtsiya şikâyetnamesi berilse ve lâğu etilmese, apellâtsiya makemesi qarar alacaq soñ üküm aqqını qazana.
Aynı zamanda adam tutulğan vaqıttan berli ceza müddeti başlap sayıla.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
