Ukraina mahkemesi Qırımdan üç sabıq mahkemecini devlet hainligi 12 ve 13 yılğa apiske aldı. Yarımada işğal etilgen soñ olar Ukraina halqına sadıqlıq antına hainlik etip, Rusiye hızmetine keçtiler.
Çiçek ayınıñ 10-nda Qırım Muhtar Cumhuriyet ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeriniñ prokurorlığı bu aqqında haber berdi.
Prokurorlıqnıñ malümatına köre, 2014 senesinden soñ mahküm etilgenlerden biri "Qırım Cumhuriyeti Yuqarı mahkemesiniñ mahkemecisi" oldı, daa ekisi — işğal etilgen Sevastopolnıñ (Aqyarnıñ) Lenin rayon mahkemesinde ve Simferopolnıñ (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adniñ) Merkeziy rayon mahkemesinde çalışa edi.
"Mahkum etilgenler öz areketlerinen yarımadada mahkeme akimiyetiniñ işğalli sistemasınıñ çalışmasını temin ete ediler, böyleliknen Rusiye Federatsiyasınıñ vekillerine Ukrainağa qarşı bozuv faaliyetini alıp barmaqta yardım ete ediler", — dep aytıla haberde.
QMC prokurorlığınıñ malümatına köre, umumen devlet hainligi içün endi 140 sabıq mahkemeci mahküm etildi.
Qırım MC ve Aqyar şeeriniñ prokurorlığı Suspilne Qırımğa añlattı ki, qabatalanğan adam olmadan mahsus makeme oturışları ("ğıyabiy ükümler") neticesinde çıqarılğan ükümler umumiy şekilde aqqını qazanalar. Yani apellâtsiya şikâyetnamesi berilmese, apellâtsiya şikâyetnamesini berüv müddeti (üküm çıqarılğan 30 kün soñ) bitecek soñ aqqını qazanır.
Apellâtsiya şikâyetnamesi berilse ve lâğu etilmese, apellâtsiya makemesi qarar alacaq soñ üküm aqqını qazana.
Aynı zamanda adam tutulğan vaqıttan berli ceza müddeti başlap sayıla.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
