İşğal etilgen Qırımda FSB pravoslav kilsesine basqı yapa, onı ordu içün para toplamağa mecbur ete. "Sarı şerit" areketiniñ bildirgenine köre, Bağçasaray hayriye teşkilâtı Qırımdaki Rusiye pravoslav kilsesiniñ mitropoliyasınıñ "hayır duası"nen cemaattan toplanğan parağa UAZ maşinasını satın aldı ve onı Herson yönelişine RF Silâlı quvetlerine berdi.
"Sarı şerit" agentleriniñ malümatına köre, işğalcilerniñ kilsege basqısı büyük — teşkerüvler daima keçirile.
"İşğalciler papazlar arasında tek eñ çoq rusiye tarafını tutqan şahıslarnı, esasen cenk başlanğan soñ kelgenlerni qaldıralar. Rusiye kütleviy haber vastalarınıñ bilerek sustırğanı soñki ikâyelerden biri — Simferopoldaki (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adteki — terciman) Svıtonikolskıy kilsesiniñ reberligine, ğarbiy Ukrayinada doğğan, soñuna qadar Rusiyege qoltutqan ikâyelerni ibadetlerine kirsetmege red etken Mıkkolay papazğa qarşı açılğan cinaiy dava. Neticesinde oña qarşı cinaiy dava açıldı, oña qadınlarğa " basqı yapqanı"nda qabaatlandı", — dep aytıla haberde.
Faalcilerniñ aytqanlarına köre, Mıkolay papaznıñ bulunğan yeri şimdilik belli degil.
Hatırlatamız ki, daa evel areketniñ bildirgenine köre, işğal etilgen Qırımda Simferopolda (Aqmescitte) Rusiye Pravoslav kilsesiniñ papazlarına öz vaazlarında "aşırıcılıqnen küreş" ve "tış duşman" mevzularını kirsetmege emir etildi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
