Mayısnıñ 23-nde vaqtınca işğal etilgen Yaltada qırımtatar milliy areketiniñ veteranı Amet Asanov vefat etti. O, 1987 senesi Moskvadaki Qızıl meydanında qırımtatarlarnıñ tarihiy narazılıq aktsiyasınıñ faal iştirakçisi edi.
Qırımtatar Milliy Meclisiniñ reisi Refat Çubarov, onıñ ölümi aqqında bildirdi.
"Rusiye barbarları tarafından işğal etilgen Qırımdan kederli haber: bugün Yaltada qırımtatar milliy areketiniñ veteranı, 1987 senesi yazda Moskvadaki Qızıl meydanda qırımtatarlarnıñ narazılıq aktsiyasınıñ eñ faal iştirakçilerinden biri Amet ağa Asanov vefat etti", — dep Çubarov yazdı.
İlk küz ayınıñ 1-nde Amet Asanov 82 yaşına kirecek edi.
Cenaze mayısnıñ 23-nde Yaltada (Ay-Vasıl) Cefer Seydamet soqağı, 14-A adresi boyunca Cuma namazından soñ ötkerilecek.
Читати ще
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
