"Sarı şerit" areketiniñ faalcileri Rusiyeniñ Qırım işğaline qarşı barışıqlı narazılıq köstermege devam eteler. Yalta, Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) ve Yevpatoriya (KezlevRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeerlerinde ukrayin timsalleri ve şiarlarınen vatanperver stikerler, şeritler ve poçta varaqaları peyda oldı.
Areket iştirakçileri Telegramda bunı bildirdiler.
Hususan, Yevpatoriyada (Kezlevde) timsaller odun bazarınıñ qapısı yanında peyda oldı. Yaltada — "Yalta" musafirhanesiniñ yanında. Simferopolda (Aqmescitte) — yol kenarlarında ve şeerniñ bir çoq soqağında.
Faalciler narazılıq timsallerini qaldırğan yerlerden fotoresimlerni derc etip, bu tek aktsiya degil — yarımada sakinleri azatlıqnı beklegenlerini ve işğalni qabul etmegenlerini köstere.
"Er bir fotoresim — Qırım Ukrayinanıñ olğanını isbatlay, insanlar teslim olmadı, işğalden qurtaruvnı bekleyler ve onı beklep qalacaqlar", — dep "Sarı şerit" qayd etti.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
