Qırım Muhtar Cumhuriyeti prokurorlığı, Rusiyeniñ Ukrayinağa qarşı silâlı tecavuzını aqlağan ve onıñ topraqlarını işğal etmege çağırğan Ukrayina vatandaşı olğan Rusiye Devlet Dumasınıñ mebusına qarşı qabaatlav aktını mahkemege yolladı. O, 10 yılğa qadar apis cezasını ala bilir.
Qırım Muhtar Cumhuriyeti ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeri prokurorlığı bu aqqında haber etti.
Taqiqat, 2022 senesi orta küz ayında işğal etilgen Simferopoldaki (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adteki) "Millet" teşviqat telekanalında müellif programmasında iştirak etkenini belgiledi. Anda o, ukrayin topraqlarınıñ işğaline çağıra ve Kremlniñ ikâyelerini ilerilete edi.
Hususan, canlı yayın devamında mebus Rusiye Federatsiyasınıñ tolu miqyaslı istilâsına qol tuttı ve Donetsk, Zaporijjâ ve Ukrayinanıñ diger vilâyetleriniñ "azat etilmesi"ne çağırdı, onıñ aytqanına köre, olar "Rusiye terkibine kirmeli".
Bundan da ğayrı, o, ukrayin topraqlarınıñ zapt etilmesi içün rus teşviqatınıñ tipik elementleri olğan "tek bir halq" ve "toraq birdemligi" ğayelerini seslendirdi.
Keçirilgen mahkeme-lingvistik ekspertizalar mebusnıñ aytqanlarında Ukrayina topraqlarınıñ sıñırlarını deñiştirmek ve Rusiye Federatsiyasınıñ silâlı tecavuzını aqlamaq çağıruvları olğanını tasdıqladı.
Qabaatlanğannıñ areketleri Ukrayinanıñ topraq bütünligiUCQniñ 110-ncı maddesiniñ 2-nci qısmı ve toqunılmamazlığına basqı ve Rusiye Federatsiyasınıñ Ukrayinağa qarşı silâlı tecavuzıUCQniñ 436-2-nci maddesiniñ 3-nci qısmını aqlav, qanuniy dep tanuv, red etüv olaraq tasnif etildi. Oña 10 yılğa qadar apis cezası berile bilir.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
