Sevastopoldaki (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki addaki) Nahimov rayonınıñ işğalli mahkemesi 34 yaşındaki yerli sakinni "İnternette aşırıcı faaliyetke açıq çağıruvlarRF CQniñ 280-nci maddesi" içün 2 yılğa sınav müddetinen 1 yılğa apiske aldı.
Mayısnıñ 21-nde Telegramda işğalli Sevastopol (Aqyar) prokurorlığı bunı bildirdi.
Bundan da ğayrı, qadınğa 2 yıl devamında saytlar ve telekommunikatsiya ağlarını işletmege yasaq ettiler.
"Taqiqat"nıñ iddia etkenine köre, 2022 senesi arman ayından 2023 senesi qara qış ayına qadar o, "Rusiyege qarşı" Telegram kanallarında "aşırıcışıq tabiatınıñ zorbalıq areketleri"ne çağırğan tefsirlerni bir qaç kere qaldırdı.
Hatırlatamız ki, Qırımtatar maaliy merkeziniñ malümatına köre, 2025 senesiniñ birinci kvartalında işğal etilgen Qırımda "Rusiye ordusını itibardan tüşürüv" maddesine istinaden eñ az 159 memuriy dava qayd etildi. Olardan 151-i çerçivesinde para cezası ya da apis cezası berildi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
