İşğal etilgen Qırım Devlet Şurasınıñ eki "mebusı" duşmannen işdeşlikUkrayina CQniñ 111-1-nci maddesiniñ 5-nci qısmı faaliyeti içün — "Yedinaya Rossiya" firqasından qanunsız saylavlarda iştirak etkeni içün — ğıyabiy şekilde 5 ve 8 yıl apis cezasını aldı. Olar devlet memuriyetlerinden marum etildi ve mal-mülkleri müsadirelengen edi.
Qırım Muhtar Cumhuriyeti ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeri prokurorlığı bu aqqında haber etti.
Muhtariyet prokurorlığı, mahküm etilgenler göñülli olaraq Rusiyenen işbirlik yapıp, Canköyde ve Krasnogvardiyskıy rayonında saylav kampaniyasını keçirdi, dep isbatladı. 2022 senesi ilk küz ayında "ğalebe" ilân etilgen soñ, olar işğal şurasınıñ "mebusları" mandatını aldılar, olar alâ daa öyleler.
Mahkemede biri 5 yılğa, ekincisi 8 yılğa üküm etildi. Ekisi de devlet memuriyetinde 10 ve 12 yıl devamında çalışmağa yasaqlana. Bundan ğayrı, olarnıñ mal-mülklerini tevqif etmek qararı alındı.
Qırım MC ve Aqyar şeeriniñ prokurorlığı Suspilne Qırımğa añlattı ki, qabatalanğan adam olmadan mahsus makeme oturışları ("ğıyabiy ükümler") neticesinde çıqarılğan ükümler umumiy şekilde aqqını qazanalar. Yani apellâtsiya şikâyetnamesi berilmese, apellâtsiya şikâyetnamesini berüv müddeti (üküm çıqarılğan 30 kün soñ) bitecek soñ aqqını qazanır.
Apellâtsiya şikâyetnamesi berilse ve lâğu etilmese, apellâtsiya makemesi qarar alacaq soñ üküm aqqını qazana. Aynı zamanda adam tutulğan vaqıttan berli ceza müddeti başlap sayıla.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
