Rusiye akimiyeti Qırım jurnalisti ve uquq qorçalayıcısı Lütfiye Zudiyevanı "çetel agentleri" cedveline kirsetti. Bu qararnıñ esas telükesi — status özü degil, aqibetleri: işğalli müessiselerge işğal etilgen Qırımda faalcilerge basqı yapmaq içün yañı levhalar bere.
QırımSOS cemaat teşkilâtı bunı qayd etti.
"İşğalli rejimniñ bozuvları ve cinayetlerini aydınlatqan sesni sustırmaq ve yarımadadan çıqarıp, haber alanını teşviqat içün temizlemek içün daa bir ıntıluvdır", — dep QırımSOS beyanatında qayd etildi.
QırımSOSnıñ bildirgenine köre, şimdi Zudiyevanı içtimaiy ağlarda onıñ "statusı" aqqında işaretlemeden, repost ya da tsitata etkenler de telükege oğray. İşğalli hızmetler bunı Rusiye Federatsiyası qanunlarınıñ bozuluvı olaraq tanıp, repressiyalar içün yañı meydan yarata bileler.
Uquq qorçalayıcılar deyler ki, bürokratik sıñırlavlar, haberler ve memuriy nezaret sebebinden yañı status jurnalistlerniñ vaqtını, resurslarını ve cemaat faaliyetiniñ imkânlarını ala.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
