Pragada, Qırımtatar halqınıñ sürgünliginiñ 81-inci yıllığında, şimdi Çehiya Cumhuriyetinde yaşağan cemaatnıñ vekilleri genotsid fedalarınıñ hatırasını añmaq içün aktsiya keçirdiler. Tedbirni Qırım faalcileri "Prazka maydan" cemaat teşkilâtınıñ desteginen teşkil ettiler.
Radio Svoboda mühbiri bunı bildirdi.
Tedbir iştirakçileri 1944 senesi mayıs ayında Şuralar akimiyeti tahminen 200 biñ Qırımtatarnı Orta Asiyanıñ uzaq bölgelerine mecburen sürgün etkenini hatırladılar. Bu vaqialarnıñ şaatları ve insanlarnıñ şaraiti aqqında ikâyeler çıqışlarnıñ esas mevzusı oldı.
2014 senesi Qırım Rusiye tarafından işğal etilgen soñ Qırımtatarlarnıñ vaziyeti kerginleşti — siyasiy taqipler, apis cezaları, ev tintüvleri, tasilge basqı, Meclis yasağı, mekteplerniñ qapatıluvı sıqlaştı.
"Rus dünyası" öldürüv ve müstemlekeleştirüvsiz olamaz. Rusiye Qırımnı işğal etken soñ, halqımız içün er şey tekrarlandı", — dep aktsiyanıñ teşebbüsçisi Eldar Emiruseynov muracaat etti.
Mayısnıñ 18-nde Ukrayinada Qırımtatar halqınıñ aqları oğrunda küreş künü qayd etile ve halqara toplulıq tarafından genotsid olaraq tanılğan facialı vaqia olğan sürgünlik fedalarınıñ hatırası añıla.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
