İşğal etilgen Qırımda Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) sakini Ukrayina havfsızlıq hızmetinen işbirlik yapqanında qabaatlanıp mahkeme etilecek. Çetel devletinen işbirlikRF CQniñ 275.1-nci maddesi maddesine dair qabaatlav aktı "mahkeme"ge berildi.
İşğalli Qırım prokurorolığı bunı bildirdi.
"2021 senesi Simferopol rayonınıñ sakini Ukrayina Havfsızlıq hızmetiniñ vekillerinen añlaşıp, olarnıñ Rusiyege qarşı faaliyetine yardım etecegini bildirdi. 2024 senesi orta küz ayında o, mütehassıslardan patlayıcı aletlerni ve zararlanğan parçalarnı tapıp, olarnı saqlanğan yerlerinden çıqarmaq ve ilerideki emirlerge qadar saqlamaq vazifesini aldı", — dep aytıla haberde.
Hatırlatamız ki, mayısnıñ 15-nde işğalciler Qırımda devlet hainliginde şübhelengen eki Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) sakinini yaqaladılar. Rusiye nezareti altındaki tahqiqatnıñ malümatına köre, olar istihbaratnı Ukrayina havfsızlıq hızmetine bere ediler.
Qırımtatar maaliy merkeziniñ malümatına köre, 2025 senesiniñ birinci kvartalında işğal etilgen Qırımda "Rusiye ordusını itibardan tüşürüv" maddesi boyunca eñ az 159 memuriy dava qayd etildi. Olardan er birine memuriy ceza berildi — para cezası ya da apis cezası.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
