Qırımda işğalciler devlet hainligiRF CQniñ 275-nci maddesinde şübhelengen eki Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) sakinini tuttılar. Rusiye nezareti altındaki tahqiqatnıñ malümatına köre, olar istihbaratnı Ukrayina havfsızlıq hızmetine bere ediler.
RİA "Novosti Krım" bu aqqında bildirdi.
"53 yaşındaki adam UHHe Telegram vastasınen alındı, ücüm etmek içün qullanıla bilecek silâ ve arbiy tehnika aqqında malümat bermege çağırıldı. O, şeer mezarlığında saqlanğan cep telefonını tutıp aldı", — dep aytıla haberde.
Agentlikniñ bildirgenine köre, ekinci adam, birinci kişiniñ vazifesine köre, Rusiye Silâlı quvetleriniñ AMS obyektleriniñ yerleşüvi aqqında malümat toplay ve bere edi.
"Onıñ evinde, 1 kilogrammdan çoq çetel patlayıcınen beraber, öz başına yapılğan patlayıcı aletniñ parçaları tapıldı", — dep RİA "Novosti Krım" bildirdi.
Ukrayina havfsızlıq hızmeti bu vaqianı izaatlamadı.
Hatırlatamız ki, Qırımtatar maaliy merkeziniñ malümatına köre, 2025 senesiniñ birinci kvartalında işğal etilgen Qırımda 38 qanunsız yaqalanuv qayd etildi, olardan 12-si — Qırımtatar halqınıñ vekillerine nisbeten.
Aynı vaqıtta aynı devirde adaletli mahkeme aqqınıñ bozuluvı eñ az 70 kere qayd etildi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
