İşğal etilgen Qırımnı nezaret altında tutmaq içün, Rusiye diger yönelişlerden ava mudafaası sistemalarını alıp, yarımadanı toldura. Qırımdaki AMSnıñ miqdarı Rusiyeniñ bir çoq völgesinde daa yüksek.
Telemarafonnıñ canlı yayınında Ukrayina Arbiy-deñiz quvetleriniñ nutuwçısı, polkovnik Dmıtro Pletençuk bunı bildirdi.
"Qırım — Rusiye içün timsaliy ve logistik ceetten qıymetlidir. Yarımadada AMSnıñ sıqlığı, Rusiye Federatsiyasınıñ bir çoq bölgesinden olğanından yüksektir. AMS — suniy maldır. Sanktsiyalar ve mikroelektronika qıtlığı sebebinden ruslarnıñ ğayıplarnı toldurmaq imkânları sıñırlı", — dep Dmıtro Pletçençuk añlattı.
Onıñ aytqanına köre, 2024 senesiniñ başından Ukrayin quvetleri duşmannıñ çoq sayıda AMSnı, şu cümleden Qara deñiz flotunıñ ştabını ve diger obyektlerni yoq etti. Zarar körgenine baqmadan, Rusiye Qırım toprağından dronlarnı uçurmağa devam ete. Esas meydançıqlar Çavda burnu, Pivkivka ve Keriç rayonı olıp qala.
"Bunlar mobil sistemalar, amma esasen teşkerilgen yerlerden qullanıla", — dep arbiy deñiz hızmetiniñ nutuqçısı ayttı.
Hatırlatamız ki, 2025 senesi mayısnıñ 3-nde Ukrayina Mudafaa nazirliginiñ Baş istihbarat idaresi eki Su-30 yoq etici uçaqını "Magura-7" gemilerinden çıqarılğan AIM-9 Sidewinder infroqırmızı köstergiçli "ava-ava" türlü raketalarınen urdı. Bİİniñ yolbaşçısı Kırılo Budanov The War Zone neşirine bergen intervyusında bunı bildirdi.
Budanovnıñ bildirgenine köre, birinci Su-30 taqımı sağ qaldı ve Qara deñizde vatandaş gemisi tarafından alındı. İlk malümatlarğa köre, ekinci uçaqnıñ ekipajı elâk oldı, dep qoştı o.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
