Qırımtatar şairesi, oyuncı Elvira Emir-ali Kapnist mayıs 11 künü işğal etilgen Qırımda vefat etti. O, qırımtatar halqınıñ sürgünligi ve Qırım yarımadasına sevgisi aqqında yazdğan edi.
Bu aqta onıñ qızı Niziye Emirşah öz Facebook saifesinde haber etti.
Cenaze, mayıs 11 künü saat 14-te Aqmescit şeerinde keçirilecek.
Qırımtatar halqnıñ Meclis başınıñ birinci muavini, sabıq siyasiy mabusı Nariman Celâl da bu Feysbuktaki saifesinde cevabını bildirip qaldırğan. Onıñ aytqanına köre, Emir-ali Qapnist tuvğan yurtunı, halqını samimiy seve edi.
"Onıñ şiiriyetinde ağrı ve ümüt, sürgünlik hatırası ve Qırımğa sevgi aks oluna edi. Elvira hanım, medeniyetni saqlap, balalarına - söz, areket, insan sıcağı vastasınen yetkizgen edi. Ailesi, dostları ve onı tanığan ve qıymet keskenlerniñ episine sabırlar tileymiz", – qayd etti Celâl.
Bir yıl evel şaire, "Qırımdan mektüpler" adlı cıyıntığını taqdim etti, anda müellifniñ şiirleri, poemaları, pyesaları, em de qırımtatar klassikleriniñ bediiy eserleriniñ tercimeleri kirsetilgen edi.
Elvira Emir-ali Qapnist, Özbekistannıñ Buhara şeerinde doğdı, 1989 senesi Qırımğa köçip, Simferopolde (Aqmescit)Rusiye imperatorlığı ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adı yaşadı. Qırımtatar qadını, "Bir şeyler ketti biznen. Tebessüm turağı" şiiriy cıyıntığınıñ, "Selsebil" şiirler kitabınıñ müellifidir. O, "El-dens" ansambline de yolbaşçılıq ete edi.
Elviranıñ özü evelden aytqanı kibi, o, Kümüş asırnıñ belli şairi Vasiliy Kapnistniñ qorantasındandır, onıñ evlâtları Qırımnıñ Taraqtaş köyünde yaşağan, onıñ ecdatları da anda doğğan. O, şairniñ Harkovda ve Frantsiyada yaşağan başqa evlâtlarınen alâqanı saqlap qalğan edi.
Telegram, WhatsApp ve Facebookta Suspilne Qırım haberlerine abune oluñız
