Mayısnıñ 8-nde Avropada Hatıra ve barışuv künü qayd etile — 80 yıl evelsi Hitler Almaniyası teslim oldı. "Sarı şerit" cemaat areketi, bu hatıra kününe işğal etilgen Luğansk, Donetsk vilâyetleri ve Qırım topraqlarında yañı aktsiyanı keçirdi.
Mayısnıñ 8-nde areket, öz Telegram kanalında bunı bildirdi.
Böylece, Luğansk, Donetsk, Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeerlerinde faalciler bu kün munasebetinen levhalarnı tarqattılar.
"Bu deşetli vaqialarnıñ ortasında bulunğan ecdatlarımızğa ürmet ve sevgimiz köstermek içün, bizler VİETğa timsalli qırmızı haşhaşlarnı tarqattıq", — dep areket qayd etti.
Hatırlatamız ki, 2023 senesi Ukrayina Yuqarı Şurası "Hatıra künü ve 1939-1945 seneleri Ekinci cian cenkinde natsizm üzerinde ğalebe künü aqqında" qanunınen mayısnıñ 8-ini Hatıra ve Ğalebe künü olaraq belgiledi. Bu, Ukrayinanıñ natsizm üzerinde ğalebeni qayd etkeni ve Ekinci cian cenkinde elâk olğanlarnıñ hatırasını añğanı tek kündir.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
