İşğal etilgen Qırımda Rusiye işğaline qarşı çıqqan qadınlarnıñ taqip etilüvi bayağı arttı. FSB davalarnı uydura, qadınlarğa basqı yapa, balalarını alıp Rusiye bala bağçalarına yollaycaqlar dep qorquza. Siyasiy mabüslerniñ cedvellerinde eñ az 20 qadın bar.
Mayısnıñ 6-nda "Rusiye esirliginde cemaat" tedbiri vaqtında Qırım uquq qorçalayıcı gruppasınıñ idare reisi Olğa Skrıpnık bunı bildirdi.
Uquq qorçalayıcı qayd etti ki, olar jurnalistler, faalciler, 2014 senesi narazılıq aktsiyalarınıñ iştirakçileri olalar.
"FSB olarğa qarşı cinaiy davalarnı uydura, zorbalıq ve ruhiy basqı qullana, kerekli tibbiy yardım bermey. Qadınlarğa basqı yapmaq içün qullanılğan hususiy usul — balalarını alıp, Rusiyedeki bala evlerine alıp ketmek qorqutuvları", — dep Skrıpnık bildirdi.
O, 69 yaşındaki Sevastopollı (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adlı) faalci Ğalına Dovğopola ve mayısnıñ 6 künü doğğan kününi qayd etken vatandaş jurnalisti ve emşire İrına Danılovıçnıñ davalarını hatırlattı.
Yañı davalarğa ayrı diqqat ayırıla. Keçken sene küzde Sevastopolda (Aqyarda) 2014 senesi Ukrayinağa qoltutqan narazılıq aktsiyalarınıñ iştirakçileri olğan üç qadın tutuldı. Olardan biri 58 yaşında tilşınas Oksana Senecuk, daa biri — 2025 senesi saban ayında müstemlekede 10 yılğa üküm etilgen 35 yaşındaki faalcilerden biri.
Uquq qorçalayıcı, 2022 senesi mayıs ayında hırsızlanğan ve 2024 senesi arman ayında Qırımda "casuslıq" sebebinden 10 yıl ve 6 ay apis cezasına mahküm etilgen Herson IT mütehassısı İrına ğorobtsovanı da añdı.
"Tolu miqyaslı istilâdan soñ Qırımda Herson ve Zaporijjâ vilâyetlerinden hırsızlanğan qadınlar da tutula. Faalcilerni taqip etüviniñ Qırım tecribesi 2022 senesinden soñ işğal etilgen topraqlarda faal sürette tarqala", — dep qayd etti o.
Skrıpnık, 2022 senesine qadar siyasiy mabüsler cedvelinde tek 3-5 qadın olğanını bildirdi. Şimdilik Qırımda ve Rusiye Federatsiyasında azatlıqtan marum etilgen eñ az 20 Ukrain qadını tutulğanı qayd etile.
"Rusiyenen er angi muzakereler, apiste tutulğan bütün vatandaşlar aqqında tolu malümat berilmesini ve qadınlarnen beraber vatandaşlarnıñ azat etilmesini talap etmek kerek. Rusiye esirliginde bulunğan qadınlar halqara seviyede aman-aman körünmey", — dep Olğa Skrıpnık hulâsa çıqardı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
