İnsan aqları boyunca Avropa makemesi, Rusiyeni 2014 senesi qırım öksüzlerniñ sürgünliginde qabaatlı tanısa, o, muntazamiy basqısınıñ elementi olur ve soñra Rusiye, cevap bermege mecbur olur.
Bunıñ aqqında Suspilne-niñ "PRO Qırım" levhası içün İAAT davasında balalarnıñ vekili, insan aqları boyunca Ukrain helsin cemiyetiniñ eksperti Serğiy Zayets tarif etti.
Onıñ sözlerine köre, Rusiye Federatsiyası şimdi Avropa makemesiniñ qararını eda etmesinden vazgeçkenine köre, balalarnı birden qaytarıp olamazlar. amma İAAT tarafından RF areketleriniñ uquqiy qıymet kesüvi de müim, çünki böyle baalar deñişmez qalıp emsal olalar.
"Rusiye, şübesiz, Avropa konventsiyasınıñ iştirakçısı degil. O, Avropa makemesinden çıqıp Avropa Şurasından çıqarılğan edi. O, Rusiye üzerinde İAAT-nıñ uquqçılığınıñ ğayip etüvine ketirgen. Amma Rusiye, misal olaraq, başqa işğal etilgen territoriyalardaki balalarına bağlı olğan aynı qabaatlavları içün insan aqları boyunca BMT komiteti ögünde cevap berip ola, çünki aynı siyasetini amelge keçirmege devam etmekte".
Hatırlatayıq ki, 2025 senesi İnsan aqları boyunca Avropa makemesi, Rusiyenen daa 2014 senesi alıp çıqarılğan on qırım öksüziniñ davasını baquvğa qabul etken. O, ukrain balalarınıñ sürgünligine dair böyle seviyeli ilk davasıdır. Balalarnıñ mecburiy köçürüvi içün tevqif orderi ilân etilgen Putinge Gaagadaki Halqara Cinaiy makemesi içün isbat bazasını toldura bile.
"İAUGT, balalarnıñ qısmını evlâtlıqqa alınğanını belley, çünki olarnıñ aqqında malümat platformadan ğayip olğan. 2014 senesi rusiye akimiyeti, ana-babalıqnı bilmegen Qırımdaki ukrain balalarnıñ tahminen 4 biñden ziyadesini öz vatandaşı dep bildirgen. İAAB-ne arizası, ayrıca, şahsiy yaşayışı, serbestlik ve tiymemezlik azatlığına ürmet aqqını kefalet etken insan aqları boyunca Avropa konventsiyasınıñ maddelerine esaslana. Arizacılarnıñ sözlerine köre, vatandaşlığınıñ mecburiy deñiştirüvi ve balalarnıñ ilerideki evlâtlıqqa alıp berilmesi, olarnı Ukrain vatandaşı olaraq içtimaiy kimliginden marum ettiler. Qırım işğalinden soñ balalarnıñ müessiselerde tutuvı da olarnıñ aqlarınıñ bozuluvı dep sayıla", – bildire Qırımda prezident temsilciligi.
2024 senesi ilk qış ayında Ukraina prezidenti Volodımır Zelenskıy, CBN NEWS-nıñ intervyüsinde Ukraina territoriyasından qanunsız sürette sürgün etken 19,5 biñ ukrain balanıñ adlarını tayin etip olğanını bildirdi.
Telegram, WhatsApp ve Facebookta Suspilne Qırım haberlerine abune oluñız
