İşğal etilgen Qırımda "Zla Mavka" qadın narazılıq areketiniñ iştirakçileri daa bir narazılıq aktsiyasını teşkil ettiler. Simferopolda (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adte) "Dünya titrese de, qarşılıq devam etecek" yazısınen kartlar tarqatıldı.
Mayısnıñ 2-nde areket fotoreslerni Telegramda yayınladı.
"Tünevin ve bugün Qırımda sıcaq oldı. Bizim Mavkalarımız anda işke başlağanlar — yañı stikerler peyda oldı. Birinci stikerler endi tam ortada Simferopol (Aqmescit — terciman) şeerinde tarqalğan. Ve bu tek başlanğıç", — dep aytıla areketniñ beyanatında.
Hatırlatamız ki, Rusiye Mudafaa nazirligi mayıs ayınıñ 2-nde gece işğal etilgen Qırım ve Qara deñiz üzerinde ava mudafaası vastaları (AMV) tarafından 112 uçucısız uçaq aleti yoq etilgeni aqqında bildirdi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
