Rusiye Mudafaa nazirligi mayıs ayınıñ 2-nde gece işğal etilgen Qırım ve Qara deñiz üzerinde ava mudafaası vastaları (AMV) tarafından 112 uçucısız uçaq aleti yoq etilgeni aqqında bildirdi.
Nazirlilk öz Telegram kanalında bu aqqında yazdı.
Anda bildirdiler ki, işğal etilgen Qırım toprağında 89 UUA, Qara deñizde ise — 23 tüşürildi.
Aynı vaqıtta Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) "gubernatorı" Mihail Razvojayev 02:38 — 04:54 qadar devam etken ava telükesi aqqında yazdı. Onıñ aytqanına köre, flot AMVnen beraber "Hersones, Aqyar körfezi, Qaçı ve Balıqlava rayonındaki şeerlerge qarşı kütleviy birleşken ücüm"ni toqtatqan edi.
Aynı zamanda "Qırım yeli" yerli sakinlerge esaslanıp, Feodosiya (Kefe), Simferopol (Aqmescit), Gvardiyske, Canköy, Saq ve Saq rayonı, Novofedorivka, Virmensk, Tarhanqut ve Lukull köyleri, Uglove ve Çervone köylerinde patlav sesleri aqqında haber etti.
Rusiye arbiy ava limanlarına ücüm etilgenini bildirdiler. Faqat Ukrayina Mudafaa quvetleri tarafından resmiy tasdıq yoq. Ücümniñ neticeleri de belli degil.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
