Qırımnıñ Rusiye işğalli akimiyeti mekteplerde balalarnıñ areket tarzı içün baa qoymağa yañıdan planlaştıra. Böyleliknen olar Rusiye Federatsiyasınıñ areketlerine qol tutmağan yerli sakinlerge tesir etmege tırışalar.
2017-2018 seneleri Ukrayina prezidentiniñ Qırımdaki temsilcisi Borıs Babin Suspilne Studiyanıñ canlı yayınında bu aqqında tarif etti.
"Bu balalarğa baa qoyuv, sade bir maqsatnen yapıldı. Ana-babalar ya da bala özü bu esnasnıñ (Rusiye Federatsiyasınıñ yarımadada areketleri — muar.) bütün iştiragini azlaştırmağa tırışa. Kerçek ayatta bizge ögrenmek, azırlanmaq kerek, vaqıt yoq, dep aytalar. Bu sistemanıñ maqsadı — ah, oqumağa isteysiñizmi? Er alda, yaramay netice alacaqsıñız, çünki biz sizge yahşı baal qoymaycaqmız", — dep Borıs Babin añlattı.
O şunı da qoştı ki, balalarnı, mektepni bitirgen soñ, oqumağa, işke kirmege imkânları olmaycaq dep qorquzalar, çünki mektepte yamay areketleri içün yaramay baa aldılar.
"Umumen işğal etilgen topraqlarda yaş nesillernen pek kederli bir vaziyet peyda oldı. Çoq yazıq ki, balalarnıñ tasil almasına imkân berecek semereli mehanizmler alâ daa işke tüşürilmedi", — dep Babin qoştı.
Hatırlatamız ki, işğalciler Qırımda paralimpik mekteplerde Ukrayinağa qarşı cenkleşken Rusiye arbiyleri içün sport bölüklerini açtılar.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
