Mayısnıñ 2-nde Zaporijjâda Qırımtatar, arbiy hızmetçi Zinur Ametkanı defin etecekler. O, "Azov" mahsus vazifesi 12 brigadasınıñ 3057 arbiy bölüginde hızmet ete edi.
Qırımtatar Milliy Meclisi bunı bildirdi.
"Zinur Ametka 2004 senesi qara qış ayınıñ 18-nde Zaporijjâ vilâyetiniñ Yakımiv rayonında İsmail ve Minara Ametkalarnıñ çoq balalı Qırımtatar qorantasında doğdı. Sportnen çoq meraqlana edi, kollecni bitirgen soñ bala idmancılığınen oğraştı ve "Zaporizka politehnika" Milliy universitetinde oquy edi. 2023 senesi universitetniñ 3-ünci kursında "Azov" mahsus brigadasında hızmet etmege istegenini bildirip, Ukrayina Mudafaa quvetlerine göñülli olaraq celp etildi.
Zinur Ametka çiçek ayınıñ 26-nda Donetsk yönelişinde arbiy vazifeni eda etkende elâk oldı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
