17 yıl apis cezasına mahküm etilgen Qırım siyasiy mabüsi Timur Yalkabovnı Ulyanovsk vilâyetiniñ Dimitrovgrad şeerindeki 1-nci apishaneden Murmansk müstemlekesine etap ettiler.
"Qırım birdemligi"ne siyasiy mabüsniñ apayı Aliya Yalkabova bunı bildirdi.
Qırımtatar "Zonatelekom" apishane bağı vastasınen qorantasına etap aqqında tarif etti.
Murmansk Qırımdan 3,5 biñ kilometrden çoq uzaqlıqta buluna. Qadın, ava şaraitiniñ deñişüvi aqayınıñ sağlığına tesir eteceginden qasevetlene.
"Bugün anda olğan şarait pek farqlı, ve men onıñ iklimni nasıl qabul etecegi aqqında qasevet etem, çünki astması bar. Oña irişmek pek qıyın olacaq: o tarafqa doğru yol yoq, beş balanen bu fizikiy ve maliyeviy ceetten pek qıyın", — dep Aliya Yalkabova tarif etti.
Hatırlatamız ki, 2022 senesi saban ayınıñ 22-nde Rostov-na-Donudaki Cenübiy bölge mahkemesi Timur Yalkabovnı uydurılğan terrorizmde qabaatlap, 17 yılğa üküm etti.
Siyasiy mabüs Timur Yalkabov aqqında ne bilemiz
Kiçik aynıñ 17-nde saba saat dörtte Qırımda Beloğirsk (Qarasuvbazar), Bağçasaray, Simferopol (Aqmescit), Sevastopol (Aqyar) ve Qırımnıñ Sovet (İçki) rayonında kütleviy tintüvler keçirildi. Lenur Seydametov, Timur Yalkabov, Azamat Eyupov, Yaşar Şıhametov, Ernest İbragimov ve Oleğ Fedorov evlerinde keçirilgen tahqiqat tedbirlerinden soñ Qırımnıñ işğalli FSBsine ketirildi, bundan soñ apiske alındı ve mahkeme-psihiatrik ekspertizalarğa yollanıldı.22 березня 2022 року Південний окружний військовий суд оголосив обвинувальний вирок політичним ув'язненим із Криму — Тимуру Ялкабову та Ленуру Сейдаметову. Кримськотатарським активістам було призначено терміни 17 та 13 років у колонії суворого режиму.
2022 senesi saban ayınıñ 22-nde Cenübiy bölgeniñ arbiy mahkemesi Qırım siyasiy mabüsleri Timur Yalkabov ve Lenur Seydametovnıñ qabaatlav qararını ilân etti. Qırımtatar faalcileri sert rejimli müstemlede 17 ve 13 yılğa tutuldı.
2023 senesi qara qış ayınıñ 10-nda Seydametovnı Rusiye mahkemesiniñ apis cezasına itiraz arizasını baqqan soñ Novoçerkassk SİZOsından Lipetsk vilâyetiniñ Yelets şeeriniñ apishanesine etap ettiler.
Dava malümatına köre, qabaatlanğanlarnıñ elinde silâ, patlayıcı, arbiy yedekler yoq edi, olar terror eylemini yapmağa planlaştırmay ediler ve başqalarnı terror eylemlerine çağıra ediler.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
