1913 Rusiye arbiy hızmetçisi çiçek ayınıñ 28-ne qadar işğal etilgen Qırımda bulunğan bölüklerden Ukrayinağa qarşı cenkte elâk oldı. Olardan 1279-ı Ukrayina vatandaşı ola bile.
Bunı Ukrayina prezidentiniñ Qırım Muhtar Cumhuriyetindeki temsilciligi bildirdi.
Bundan da ğayrı, Qırımdan eñ az 118 Rusiye arbiyi esir alınğanı tasdıqlandı. Olarnıñ çoqusı, büyük ihtimalnen, Ukrayina vatandaşları ola, dep aytıla haberde.
Aynı zamanda, "Qırım.Aqiqat" muarririyetiniñ "Gruz 200" bazasınıñ malümatına köre, çiçek ayınıñ 29-na qadar Ukrayinağa qarşı cenkte Rusiye tarafında cenkleşken 1337 elâk olğan Qırım saininiñ cesedi qayd etildi. Saban ayınıñ başından berli cedvelde 134 adam bar.
Qırım uquq qorçalayıcı gruppasınıñ malümatına köre, 2025 senesi qara qış-saban ayları devamında Qırımnıñ işğalli mahkemelerinde Rusiye Federatsiyasınıñ ordusında hızmet etmekten vazgeçüv boyunca eñ azdan 23 qanunsız cinaiy dava baqıldı.
Rusiye Federatsiyası Qırım sakinlerini Ukrayinağa qarşı tolu miqyaslı cenkte qullana. RF Silâlı quvetlerinde hızmet etmege mecbur etmek maqsadınen işğalli akimiyet Rusiye Federatsiyasınıñ Silâlı quvetlerinde hızmet etmekten vazgeçüv içün Rusiye Federatsiyasınıñ Ceza qanunnamesiniñ 328 maddesine istinaden ("Rusiye Federatsiyasınıñ Silâlı quvetlerinde hızmet etmekten vazgeçüv") cinaiy taqipni qullana, — dep aytıla haberde.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
